NYC Banke

सोम गुरुङ,बढैयाताल ७ फागुन / बर्दियाको बढैयाताल गाउँपालिका वडा नं.६ मैनापोखरमा  १ करोड बढी लगानीमा पहिलो सुविधासम्पन्न सुनगाभा रेष्टुरेन्ट एण्ड पार्टी प्यालेस खोलिएको छ । सो प्यालेसले यही फागुनको अन्तिम देखि आफनो सेवासुुविधा सन्चालनमा ल्याउने भएको छ ।   बढैयाताल एक पर्यटकीय क्षेत्र भएकोले यस ठाउँलाई आउने पर्यटकलाई ब्यवस्थित तथा आरामदायी बसोबासको लागि मध्य नजर गर्दै सो होटल सन्चालनमा ल्याइएको बढैयाताल गाउँपालिका वडा नं. १ निवासी प्रोपाइटर प्रकास केसीले बताए । हाल नेपाल सरकारले भिजिट २०२० अभियान सन्चालन गरिरहेको छ । बढैयाताल पनि एक पर्यटकीय क्षेत्रमा सूचीकृत भएको छ ।  सुनगाभा रेष्टुरेन्ट एण्ड पार्टी प्यालेसमा एटेज कोठा, २ वटा  एसी सभाहल, पार्टी प्यालेस, क्याबिन रेष्टुरेन्ट, सुविधासम्पन्न बासको ब्यवस्था र पार्किङ्गको सुुविधा समेत रहेको शिव सुबेदीले जानकारी दिए ।  बढैयाताल गाउँपालिकामा रहेको बढैयाताल, सिमासार क्षेत्र, यहाँका थारु संस्कृति तथा कलामा टेवा  पुग्ने सो प्यालेस सन्चालनमा आएपछि स्थानीय तहमा रोजगारका वातावरण सृजना हुने साथै आन्तरिक...

नेपालगंज ३ फागुन / शान्तिनगर नेपालगन्ज स्थित बृटिस ईंग्लिश बोर्डिङ स्कुलमा ईको हिमालयन ईन्टरनेशनल भक्तपुरको आयोजना तथा बिधालयको सहकार्यमा  निशुल्क स्वास्थ्य सिबिरको आयोजना गरेको छ वडा नम्बर चारका वडा अध्यक्ष मोहम्मद सफिक बेहनाको प्रमुख आतिथ्यमा एक दिवसीय  चेक जाँच कार्यक्रम गरिएको थियो वडा अध्यक्ष बेहनाले स्वास्थ्यनै धन हो हामी स्वास्थ रहन आहार र व्यबहारमा ख्याल गर्न र निएमित योग गर्ने बताउनु भयो।अतिथिमा बिधालयका संचालक  अध्यक्ष निरज शाह, अभिभावक कुल प्रसाद शर्मा लगायतको उपस्थिति थियो । सो सिबिरमा काठमाडौ बाट आउनु भएका वरिष्ठ प्राकृतिक चिकित्सक डा. दिपक प्रसाद चौलागाई र डाक्टर मानव चाम्लिङ राईले स्वास्थ्य   पारिक्षण तथा  औषधी दिएका थिए । सो  शिविरमा सम्पुर्ण शरीरको चेक जाँच मसिन द्वारा गरिएको स्कुलका प्रिन्सिपल  हेमन्त राज काफलेले  जानकारी दिए ।

सोम गुरुङ्ग, खजुरा २८ माघ /  विद्यालयमा यौन प्रजनन स्वास्थ्य र अधिकार बारे खुलेर कुरा गर्ने वातावरण सिर्जना गर्नु पर्ने एक कार्यक्रममा सहभागी शिक्षकहरुले जोड दिएका छन् । प्लान ईन्टरनेशनल नेपाल फिल्ड अफिस नेपालगंजको सहयोग तथा खजुरा गाउँंपालिका शिक्षाशाखाको सहकार्यमा र स्याक नेपालको आयोजनामा सामुदायिक बिधालयका शिक्षकहरुलाई यौन प्रजनन स्वास्थ्य र अधिकार सम्वन्धी  १ दिने अभिमुखिकरण  कार्यक्रम सम्पन्न भएको छ ।  बिधालयमा किशोर किशोरीको प्रजनन तथा यौन ब्यबहार परिबर्तनबाट पर्ने असरहरुबाट संरक्षण गर्ने र बिधालयमा किशोर किशोरीमैत्री कक्षाको निर्माण गरि खुल्ला रुपमा प्रजनन र यौन जिज्ञासा र समस्याहरु फोकल शिक्षकको माध्यमबाट समाधान गराउने र नेपालमा यौन प्रजनन स्वास्थ्य र अधिकारको अबस्थाको जानकारी गराउँने उद्धेश्यले अभिमुखिकरण संचालन गरिएको स्याक नेपालका सुपरभाइजर अर्मिला रोकायले जानकारी दिइन् ।  सो अभिमुखिकरण कार्यक्रमको प्रमुख अतिथि  खजुरा गाउँपालिकाका शिक्षा शाखा प्रमुख बिश्वराज ढकालले सहभागीहरुलाई स्वागत गर्दै महिनावारीले गर्दा बालिकाहरुको पढाई अनियमित हु...

सोम गुरुङ्ग, खजुरा २५ माघ  /  लैगिक हिंसा रोक्नको लागि किशोरीहरुलाई आत्मरक्षा तालिमको आवश्यक्ता रहेको एक कार्यक्रमका सहभागी किशोरीहरुले जोड दिएका छन् । प्लान इन्टरनेशल नेपालको सहयोगमा खजुरा गाउँपालिकाको समन्वय र स्याक नेपालको आयोजनामा ३ दिने किशोरकिशोरीका लागि लैगिक यौन प्रजनन तथा बाल विवाह सम्बन्धि कानुनी प्रावधान बारे तालिममा सो कुरा बताएका हुन् ।  सो तालिममा खजुरा गाउँपालिकाका वडा नं.३ का किशोरी तथा बालक्लबका २६ जनाको सहभागिता रहेको छ । लैंगिक मैत्री वातावरण सृजना गर्न र बाल बिवाह न्यूनिकरण लागी खजुरा गाउँपालिकाका वडा नं.३ का किशोर किशोरीलाई ३ दिने तालिम प्रदान गरिएको स्याक नेपालका टिम लिडर तथा प्रशिक्षक नेत्रकला शाहीले जानकारी दिइन् । साथै उहाँले बालिका तथा किशोरीहरु यौन हिंसा र यौन दुरव्यहारमा बढी जोखिममा पर्ने हुदाँ उनीहरुलाई तालिम दिई आफनो आत्मरक्षाको लागि सचेत बनाउन  तालिम प्रदान गरिएको बताइन्  । उहाँले बालअधिकार के हो ? लैगिंक हिंसा रोक्ने उपायहरुका बारेमा प्रशिक्षण गर्नुभएको थियो ।  सो तालिमलाई अधिवक्ता वसन्त गौतमले लैंगिक मैत्री शैक्ष...

काठमाण्डौ २४ माघ / आगामी फागुन ३ गतेदेखि ५ गतेसम्म  काठमाण्डौंको भृकुटीमण्डपमा हुने एक्स्पोको मुख्य नारा ‘हाम्रा गौरवका पानाहरु र सम्भावनाका खानीहरुको उत्सव’ रहेको बुधबार पत्रकार सम्मेलन गरी जानकारी दिइएको छ । कर्णााली क्षेत्रको  विकास र सम्भावनाहरूको खोजी गर्ने उद्देश्यले कर्णााली एक्स्पो हुने भएको छ । आगामी फागुन ३ गतेदेखि ५ गतेसम्म भृकुटीमण्डपमा हुने एक्स्पोको मुख्य नारा ‘हाम्रा गौरवका पानाहरु र सम्भावनाका खानीहरुको उत्सव’ रहेको बुधबार पत्रकार सम्मेलन गरी जानकारी दिइएको छ । कर्णालीको गर्विलो इतिहास, कला—संस्कृति, पौष्टिक रैथाने खाद्यबाली, जीवनशैली र अन्य सम्भावनाका स्रोतहरुको खोजी गरिने उद्धेश्यले महोत्सव गर्न लागिएको समृद्ध कर्णाली अभियान तथा महोत्सव आयोजक समितिका उपसंयोजक प्रेमा लामाले जानकारी दिइन् ।  आगामी भिजिट नेपाल २०२० र पहिला देश अनि विदेश भन्ने नारालाई कर्णालीबाट बुलन्द पार्न पनि महोत्सव महत्वपूर्ण हुने लामाले बताइन् । कर्णालीका पर्यटकीय, धार्मिक, सांस्कृतिक तथा परम्परागत जीवनशैली, कृषि, पर्यटनलाई विशेष प्राथमिकता दिने गरि महोत्सवमा स्टल राखिने समृद्ध...

सोम गुरुङ्ग, नेपालगन्ज १८ माघ । बाँकेको विकट क्षेत्र मानिएको नरैनापुरमा सुशासन, समृद्धि र विकासका लागि प्रथम नरैनापुर दौड २०७५ शनिवार हुदैछ । सडक र बत्तीसंगै आवश्यक पुर्बाधारको अभावमा सो क्षेत्रको विकास हुन सकेको छैन भने, अशिक्षा गरिबीले पनि पछाडी परेको क्षेत्रको रुपमा नरैनापुर चिनिन्छ ।  सो क्षेत्रको समग्र विकासका लागि खेलको माध्यमले सन्देश प्रवाह गरिने उद्देश्यले नरैनापुर प्रथम दौड २०७५ गर्न लागिएको नरैनापुर गाउँपालिकाका अध्यक्ष इस्तियाक अहमद शाहले बताउनुुभयो । उहाँले नरैनापुर गाउँपालिकामा यो दौड पहिलो पटक हुुन लागेकोले यस दौडलाई सबै मिलेर सफल बनाउन पनि आग्रह गर्नु भयो । नरैनापुर गाउँपालिकाको सहयोगमा सूचना र मानव अधिकार अनुसन्धान केन्द्र नेपालगन्जले दौडको आयोजना गर्न लागेको हो ।  सो दौड प्रतियोगितामा त्यस क्षेत्रका युवा, विद्यार्थी, किसान, कर्मचारी, महिला, समाजसेवी लगायत स्थानीयको उल्लेख्य रुपमा सहभागिता रहने केन्द्रका अध्यक्ष विश्वजित तिवारीले बताउनुभयो । यस दौड प्रतियोगिताले नरैनापुर क्षेत्रमा खेलकुदको माध्यमले ठाउँको पहिचान, विकास, सुशासन सहितको सचेतना अभिबृद्...